info@rra.gov.rw      +250 788185500

Volley Ball: RRA irangije phase aller idatsinzwe muri shampiyona ya 2016

Ikipe y’Ikigo cy’Imisoro n’Amahoro mu bagore yihereranye APR VC iyikuraho insinzi y’ama seti 3-0 mu mukino wabahuje kuri iki Cyumweru tariki ya 20 Werurwe 2016 kuri Ecole Belge. Iyi nsinzi yatumye RRA VC irangiza phase aller iri ku mwanya wa mbere.

Umutoza wa RRA VC Jean Luc Ndayikengurukiye ibyo yavugaga ko ikipi ya APR VC itajya imutera impungenge na gato nibyo yerekanye koko ayitsinda atayibabariye seti 3-0 (25-20; 25-8; 25-15).

Mu mikino yo kwibuka Padiri Kayumba Emmauel, yabaye ku matariki ya 13-14 Gashyantare 2016, bwo RRA yari yatsinze APR seti 3-1 insinzi yayihaye gutwara igikombe cy’iryo rushanwa.

RRA VC itegereje kuzitabira irushanwa nyafurika ry’umukino wa Volleyball mu bagore rizabera muri Tunisia mu Mata uyu mwaka.

Umutoza wa RRA VC Jean Luc Ndayikengurukiye avuga ko amatariki y’iyi mikino nyafurika yamenyekanye hakiri kare ku buryo ari gutegura abakinnyi be neza kugira ngo bazabashe kuzatahana umwanya mwiza. Muri 2015 RRA VC yari yaserukiye u Rwanda mu mikino nyafurika yabereye mu Misiri. Icyo guhe yari yatahanye umwanya wa Gatandatu.

Ikipe ya Volley Ball Abakobwa ya RRA imaze kuba ubukombe yashinzwe muri 2008. yatangiye ari ikipe igizwe n’abakozi ijya muri shampionat. Nyuma yaje kongererwa imbaraga hiyongeramo abakinnyi bakiri bato.

Kubera kwitwara neza muri shampiyona ndetse ikaza ku isonga yagiye iserukira u Rwanda mu mikino nyafurika y’amakipi yabaye aya mbere iwayo muri Volley Ball.

  Contact Us
  Senior Management Team Members (Contact Details)

Tel : +250 788185500
Mail : info@rra.gov.rw
RRA Call Center : 3004

  Social Media and Subscribe

 

Subscribe :
Republic of Rwanda - Rwanda Revenue Authority